फेरि पनि मध्यावधि चुनावमा जान सक्छौंः उर्जामन्त्री रायमाझी

काठमाडौंः उर्जा जलश्रोत तथा सिंचाई मन्त्री टोपबहादुर रायमाझीले मुलुक फेरि मध्यावधि चुनावमा जानसक्ने बताएका छन् । नयाँ सरकार बन्न नसके मुलुक मध्यावधितिर जाने सम्भावना धेरै रहेको उनले बताए।

नेकपा ओली समूह निकट विद्यार्थीहरुको भेलालाई शुक्रबार सम्बोधन गर्दै मन्त्री रायमाझीले भने, ‘सके सरकार बनाउने, कसैको सरकार बनेन भने फेरि मध्यावधि चुनावमा जाने सम्भावना छ । यो परिस्थिति एक नम्बरमा छ ।’

प्रचण्ड–माधव समूहले अरु पार्टीको नेतृत्वमा सरकार बनाउने, ओली समूह र अर्को पार्टी मिलेर सरकार बनाउने । उनले ओली र कांग्रेस मिलेर सरकार बन्न सक्ने पनि बताए ।

यस्तै तेश्रो विकल्प नेकपा एकीकृत भएर वर्तमान सरकारलाई निरन्तरता दिने र अन्तिम विकल्प अविश्वासको प्रस्ताव फेल हुने र ओली सरकारले नै निरन्तरता पाउने उनले बताए।

प्रचण्ड–माधव समूहले सरकार बनाउने सम्भावना नरहेको, अर्को पार्टी पनि तयार नभएको अवस्थामा ओली सरकारले नै निरन्तरता पाउन सक्ने उनले बताए ।