श्रावण ५, २०८२ सोमबार
July 21, 2025
युग खबर
२०७७ फागुण १४, शुक्रबार
काठमाण्डौं: नेपाल कम्युनिष्ट पार्टी (नेकपा)का अध्यक्ष एवम् प्रधानमन्त्री केपी शर्मा ओलीले संसदीय दलको प्रमुख सचेतकमा विशाल भट्टराईलाई नियुक्त गरेका छन् ।
शुक्रबार नेकपा पार्टी अध्यक्ष एवम् संसदीय दलका नेता केपी शर्मा ओलीले यसअघिका संसदीय दलको प्रमुख सचेतक देव गुरुङलाई बर्खास्त गरेर विशाल भट्टराईलाई नियुक्त गरेका हुन् ।
प्रधानमन्त्री ओलीले आजै संसदीय दलका उपनेता सुवास नेम्वाङको उपस्थितिमा खोटाङबाट प्रतिनिधिसभा सदस्य निर्वाचित भट्टराईलाई प्रमुख सचेतकको नियुक्तिपत्र दिएका छन् ।
प्रधानमन्त्री ओलीले नेकपा सङ्घीय संसदीय दलको विधान, २०७५ को दफा १३ बमोजिम उनलाई मुख्य सचेतकमा नियुक्त गरेको प्रधानमन्त्रीका प्रेस सल्लाहकार सूर्य थापाले जानकारी दिए। सल्लाहाकार थापाले सामाजिक सञ्जालमार्फत सो कुराको जानकारी दिँदै नवनियुक्त भट्टराईलाई सफल कार्यकालको शुभकामनासमेत दिएका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया