असार २५, २०८२ बुधबार
July 9, 2025
युग खबर
२०७८ बैसाख ६, सोमबार
काठमाडौंः माथिल्लो तामाकोशी जलविद्युत् आयोजनाबाट वैशाखभित्र ७६ मेगावाट विद्युत् उत्पादन गर्ने तयारी गरिएको छ । ऊर्जा, जलस्रोत तथा सिँचाइ मन्त्रालयका अनुसार यो महीनाभित्र आयोजनाबाट उक्त परिणाममा विद्युत् उत्पादन गर्न लागिएको हो ।
आइतवार प्रतिनिधिसभा अन्तर्गत अर्थसमिति बैठकमा ऊर्जा सचिव दिनेश घिमिरेले भर्टिकल स्ल्याबको काम सबै सकिएको भन्दै वैशाखभित्रै ७६ मेगावाटको युनिट सञ्चालन सुनिश्चित भएको जानकारी दिए । जेठदेखि उत्पादन थप्दै लगेर भदौ भदौभित्र आयोजनाबाट पूर्ण क्षमतामा (४५६ मेगावाट) विद्युत् उत्पादन भइसक्ने उनले बताए ।
नेपाल विद्युत् प्राधिकरणका कार्यकारी निर्देशक हितेन्द्रदेव शाक्यले आयोजनामा वैशाख २० गते पहिलो युनिट चलाउने तालिका रहेको भए पनि एक दुई दिनअघि नै सञ्चालन हुने बताए ।
पहिलो युनिट सञ्चालन भइसकेपछि असार मसान्तसम्ममा चारओटा र साउन मसान्तसम्ममा बाँकी दुईओटा गरेर ६ ओटा युनिट सञ्चालनमा आउने उनको भनाइ छ । आर्थिक अभियान दैनिकबाट
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया