कोभिड जनचेतनाका लागि शिक्षक खटाइने, संक्रमणका कारण मृत्यु भए परिवारलाई १० लाख

काठमाण्डौंः ओखलढुंगाको चम्पादेवी गाउँपालिकाले गाउँपालिका भित्रका सम्पुर्ण शिक्षकहरुलाई जनचेतनाका लागि खटाउने भएको छ ।

गाउँपालिकामा कोभिड -१९ को उच्च जोखिम रहेको भन्दै भविष्यमा हुन सक्ने जोखिम न्यनिकरणका लागि शिक्षकहरुलाई जनचेतनामा खटाउने निर्णय गरेको हो ।

सोमबार बसेको गाउँपालिकाको बैठकले कोभिड -१९को नयाँ भेरियन्ट नेपालभरी लगायत चम्पादेवि गाउँपालिकामा १०९ जनामा कोभिड परिक्षण गर्दा ४२ जना नागरिकहरुलाई संक्रमण देखिएको र गाउँपालिका पनि उच्च जोखिममा रहेको भन्दै भविष्यमा हुन सक्ने जोखिम न्यनिकरणका लागि शिक्षकहरुलाई जनचेतनाका लागि खटाउने निर्णय गरेको हो ।

शिक्षक,जनप्रतिनिधि,स्वास्थ्यकर्मी,सुरक्षाकर्मी सबै मिलेर आ आफ्नो वडामा परामर्श दिने, जनचेतना मुलक कार्य गर्ने निर्णय गरिएको गाउँपालिका अध्यक्ष नवराज केसीले बताउनु भयो । साथै गाउँपालिकाले खटाएको क्षेत्रमा काम गर्ने क्रममा कुनै पनि कर्मचारी,शिक्षक तथा जनप्रतिनिधिहरुको कार्यक्षेत्र भित्र कामको शिलशिलामा कोभिड -१९ संक्रमणको कारणले मृत्यु भएमा निजको परिवारलाई १० लाख आर्थिक सहायता गरिने अध्यक्ष केसीले खबर एजुकेशनलाई बताउनु भयो ।

त्यसैगरी गाउँपालिका भित्रका कोभिड १९ का बिरामिलाई थप उपचारका लागि आइसोलेसन र भेन्टिलेटरबाट उपचार गर्नु परेमा तिस हजार अर्थिक सहायता गर्ने निर्णय गरेको छ ।

गाउँपालिका क्षेत्र भित्रमा ४२ सार्वजनिक विद्यालय रहेका छन भने १६१ जना शिक्षक कार्यरत रहेका छन् । खबर एजुकेशन