महन्त ठाकुर समुहलाइ पत्राचारै नगरी जसपा केन्द्रीय समितिको बैठक बस्दै

काठमाडौंः जनता समाजवादी पार्टी (जसपा) केन्द्रीय समितिको बैठक आजदेखि सुरु हुँदै छ । राजधानीको डिल्लीबजारस्थित एक पार्टी प्यालेसमा दुई दिनसम्म चल्ने बैठक मंगलबार बिहान ११ बजेदेखि शुरु हुने जसपाले जनाएको छ ।

बैठकमा अध्यक्ष उपेन्द्र यादवले वर्तमान राजनीतिक अवस्थाका विषयमा प्रतिवेदन पेश गर्ने कार्यसूची रहेको छ  । त्यस विषयमा केन्द्रीय सदस्यले आफ्नो धारणा राख्नेछन् ।

यस्तै बैठकमा पार्टी संगठनात्मक सुदृढीकरण र जनजागरणका लागि चार महिने अभियानका विषयमा प्रस्ताव गरिएको छ । आजको बैठकमा महन्त ठाकुर समुहका १६ जना नेताहरुलाइ पत्राचार गरिएको छैन ।