मानुषी लघुवित्तको आइपिओ बाँडफाँड हुँदै

काठमाण्डौंः मानुषी लघुवित्तको प्राथमिक सेयर (आइपिओ) आज (सोमबार) बिहान बाँडफाँड हुँदै छ । बिक्री प्रवन्धक एसबिआई मर्चेन्ट बैंकिङका अनुसार बिहान साँढे ९ बजे आइपिओ बाँडफाँड गरिनेछ।

आइपिओमा २३ लाख बढीले आवेदन दिएका छन् । धेरैको हात्त रित्तो हुने भएको छ । जम्मा ३६ हजार ८५९ जनाले १० कित्ताका दरले र तीमध्येबाटै ३ जनाले थप १–१ कित्ताका दरले सेयर पाउने छन्।

कम्पनीले अंकित मूल्य १ सयका दरले सर्वसाधारण समूहको कुल ३ लाख ९३ हजार ७५० कित्ता आइपिओ जारी गरेको थियो ।