स्मार्टफोन स्लो चार्ज भयाे भने कसरी समाधान गर्ने ?

काठमाण्डौंः नयाँ स्मार्टफोन लिँदा हामी फोनको लुक, क्यामेरा र प्रोसेसरका साथै यसको ब्याट्रीमा समेत विशेष ध्यान दिन्छौं। यो गर्न पनि आवश्यक छ, किनकि जब फोनमा ब्याट्री हुँदैन, तब यसमा भएका सबै थोक अर्थहीन हुन्छन्। सबभन्दा महँगो फोनमा पनि ब्याट्री भएन भने त्यो केही काम लाग्दैन। आजकल स्मार्टफोन कम्पनीहरू तथा ब्रान्डहरुले ठूला ब्याट्रीहरूको साथ द्रुत चार्ज टेक्नोलोजी ल्याइरहेका छन् ।

तर एक समयपछि प्रायः यो देखिन्छ कि फोन ब्याट्रीको ब्याकअपमा कमी आउन सुरु हुन्छ र चार्जिङ पनि ढिलो हुन्छ। सामान्यतया, जब फोनको चार्जिंङ गति स्लो हुन थाल्छ, यसमा हामीले त्यति ध्यान दिंदैनौ। यसमा धेरै कारणहरू समावेश छन् जसका कारण स्मार्टफोनको चार्जिङ गति स्लो हुन्छ । यदि तपाईंको स्मार्टफोनले चार्ज हुन लामो समय लिइरहेको छ भने केही त्यस्ता टिप्सहरु छन् जसको मद्दतले तपाईंले आफ्नो मोबाइल फोनलाई छिटो चार्ज गर्न सक्नु हुनेछ।

१. ओर्जिनल चार्जर मात्र प्रयोग गर्नुहोस्

धेरै चोटि फोन बक्समा आएको चार्जर हराएको वा बिग्रन्छ । यस पछि, सस्तोको चक्करमा कुनै पनि लोकल चार्जरबाट फोन चार्ज गरिन्छ । यसो गर्नाले फोन ढिलो चार्ज त हुन्छ नै साथै त्यस्ता डुब्लीकेट वा नक्कली चार्जरहरूले नै फोनको ब्याट्रीमा विस्फोट गराउन सक्छ जुन तपाईंको लागि धेरै खतरनाक साबित हुन सक्छ ।

२. डुब्लीकेट डाटाकेबलहरूबाट बच्नुहोस्

कहिलेकाँही चार्जरसँग बाट युएसबी केबल टुट्छ वा बिग्रन्छ यस पछि, उनीहरु आफ्नो फोन केवल मोबाइलको साथ मात्र नभई अन्य कुनै उपकरणको डाटा केबलबाट पनि चार्ज गर्न सुरू गर्दछन्। चार्जर जस्तै, नक्कली युएसबी केबलको प्रयोगले फोनलाई ढिलो बनाउनुका साथै ब्याट्रीको हेल्थ समेत बिगार्छ। यो निरन्तर भएमा, फोनको ब्याट्री पूर्ण क्षतिग्रस्त हुन्छ र त्यसपछि फोनको कुनै उपयोग हुँदैन।

३. फोन कभर हटाएर चार्ज गर्नुहोस्

लुक र डिजाइनको कारणले आजभोलि त्यस्ता फोनहरू बनाउन बन्द भइसकेका छन्, जसको ब्याट्री पछाडि कभर हटाएर चार्ज गर्न सकिन्छ । अब फोनको ब्याट्री हटाउन सकिंदैन । त्यस्तै स्टाइल र सेफ्टीको लागि पनि बिभिन्न प्रकारको फोन कभरको प्रयोग गरिन्छ । यस्तो अवस्थामा कभरका कारण, तातो त्यहि दबिन्छ र बाहिर निस्कन सक्दैन । यसरी फोन तातो भएर ब्याट्रीको दक्षता पनि कमी आउँछ । यदि कभर हटाईयो भने तातो बाहिर आउँछ र फोन छिटो चार्ज हुनेछ ।

४. इन मोड अन गर्नुहोस्

फोनको ब्याट्री धेरै कम भएमा चार्जिङ र प्रसोसिङमा उच्च लोड पर्छ । यदि तपाईंले लो ब्याट्री भएको बेला लोकेसन, जीपीएस, डाटा आदि बन्द गर्नुभयो भने ब्याट्री खपत कम हुनेछ र यसले चार्जिङमा सपोर्ट पाउनेछ । त्यस्तै, यदि तपाईंले फोनमा पावर सेभ मोड र अन्य अप्सनहरु खोल्नु भयो भने ब्याकग्राउण्ड एप्सहरु रन गर्दैनन् र स्मार्टफोन छिटो चार्ज हुन्छ।

५. स्वीच अफ गरेर चार्ज गर्नुहोस्

यदि फोन चार्जिङको बेला प्रयोग गरिंदैन भने केही समयका लागि यसलाई स्वीच अफ गर्नु उत्तम हुन्छ । यसो गरेमा, फोनको सेलुलर कनेक्टिभिटि रोकिनेछ र फोन छिटो चार्ज हुन सुरु हुन्छ । अर्कोतिर, फोन केही समयका लागि स्वीच गर्नाले ब्याट्री र फोनको प्रोसेसिङलाई पनि सहज हुन्छ र तिनीहरूको क्षमता बढाउँछ।

माथि उल्लेखित सबै सल्लाहहरू आफैं प्रयोग गर्नुहोस् र अरूलाई पनि भन्नुहोस् । किनभने यी उपायहरूले फोनलाई छिटो चार्ज गर्न मद्दत गर्दछ, एकै साथ यो तपाईंको स्मार्टफोनको स्वास्थ्य कायम राख्न र यसको जीवन वृद्धि गर्न पनि उपयोगी हुनेछ। एजेन्सी