असार २४, २०८२ मंगलबार
July 8, 2025
युग खबर
२०७८ मंग्सिर २७, सोमबार
काठमाण्डौंः प्रदेश-२ सरकारले अध्यादेशमार्फत् ल्याएको दुईवटा विद्येयक प्रदेश सभा सचिवालयमा पठाएको छ । कृषि विश्वविद्यालय र प्राविधिक विश्वविद्यालय सम्बन्धी विद्येयक प्रदेश सभा सचिवालयमा सोमबार पठाएको छ ।
लामो समयदेखि प्रदेश सभा नचलेको अवस्थामा प्रदेश सरकारले अध्यादेश मार्फत् सप्तरीको राजविराजमा कृषि विश्वविद्यालय र विरगञ्जमा प्राविधिक विश्वविद्यालय सञ्चालन सम्बन्धी अध्यादेश ल्याएको थियो । प्रदेश सभाको बैठक २९ गतेलाई आह्वान भएसँगै प्रदेश सरकारले उक्त अध्यादेशलाई प्रदेश सभा सचिवालयमा पठाएको हो ।
अध्यादेश जारी भएपछि प्रदेश सभाको पहिलो बैठकमै उक्त अध्यादेश टेबुल गर्नुपर्ने संवैधानिक व्यवस्था छ ।
अध्यादेश मार्फत् ल्याइएको कानुन प्रदेश सभाबाट पारित भएमा ६ महिनासम्म मात्रै उक्त कानुन कार्यान्वय रहने छ । सरकारलाई उक्त कानुनलाई दीर्घकालिन रुपमा लागू गराउन प्रतिस्थान विद्येयक प्रदेश सभाबाट पारित गराउनुपर्ने प्रवधान रहेको छ ।
त्यसैगरि, प्रदेश सरकारले अध्यादेशबाट ल्याएको उक्त विद्येयक सभाबाट पारित नभएको खण्डमा ७ दिन भित्रै उक्त कानुन स्वत: खारेज हुने कानुनी प्रवधान रहेको प्रदेश सभा सचिवालय सचिव रंजित यादवले बताए । प्रदेश सरकारले कृषि विश्वविद्यालयको लागि उपकुलपति समेत नियुक्त गरिसकेको छ ।-न्यूज कारखाना
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया