श्रावण ४, २०८२ आइतबार
July 20, 2025
युग खबर
२०७८ पुष १५, बिहिबार
काठमाडौंः ट्रायल पास गरेका चार लाखभन्दा बढी सेवाग्राहीले माघ महिनाभित्र स्मार्ट ड्राइभिङ लाइसेन्स पाउने भएका छन् । आजदेखि स्मार्ट लाइसेन्सको छपाई सुरु गरेको यातायात व्यवस्था विभागले ट्रायल पास गरेर बसेका सेवाग्राहीलाई माघभित्रै लाइसेन्स प्रदान गर्ने भएको हो ।
‘कार्ड आपूर्ति नभएका कारण छपाई गरेर वितरण गर्न समस्या भइरहेको थियो । हामीलाई १४ लाख कार्ड प्राप्त भएको छ । अब काम धमाधम सुरु हुन्छ’, विभागका महानिर्देशक नमराज घिमिरेले भने ।
स्मार्ट लाइसेन्सको कार्यन्वयनका लागि कार्ड रिडरको पनि अब कुनै समस्या नरहेको उनले बताए । आएको १४ लाख कार्डको छपाई सक्ने बेला सम्ममा स्मार्ट लाइसेन्सको उपलब्धतालाई कसरी थप सहज बनाउने भन्ने विषयमा पनि छलफल भइरहेको उनले बताए ।
‘अब कार्ड छपाईंको समस्याले लाइसेन्स वितरणमा कुनै समस्या आउनेछैन,’ उनले भने ।
त्यस्तै रसिदको समस्या समाधान गर्न क्यूआर कोडसहितको एक वर्षे परीक्षणकालीन लाइसेन्सको कार्यन्वयन पनि राम्रोसँग भइरहेको उनले बताए ।-टेकपाना
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया