एमसीसी विरुद्ध नाै दलले आन्दोलन चर्काउने

मोहनविक्रम सिंह नेतृत्वको नेकपा (मसाल), मोहन वैद्य नेतृत्वको नेकपा क्रान्तिकारी (माओवादी), सीपी मैनालीको नेकपा माले लगायत ९ दलले शनिबार संयुक्त विज्ञप्ति जारी गर्दै ‘भारतले नेपालको लिम्पियाधुरा, कालापानी र लिपुलेक क्षेत्रसहितका भूमि अतिक्रमण गरेको तथा अमेरिकाले हिन्द प्रशान्त रणनीति अन्तर्गत एमसिसी सम्झौता अगाडि बढाएको निष्कर्ष निकाल्दै माघ २४ बाट संयुक्त संघर्षको घोषणा गरेका हुन् ।

मसालका महामन्त्री मोहनविक्रम सिंहको अध्यक्षतामा बसेको बैठकले मिलेनियम च्यालेन्ज कर्पोरेशन (एमसीसी) सम्झौता विरुद्ध काठमाडौँ उपत्यका, विराटनगर, जनकपुर, पोखरा, बुटवल सुर्खेत र धनगढीमा विरोधसभा गर्ने निर्णय गरेको विज्ञप्तिमा उल्लेख छ।