असार २५, २०८२ बुधबार
July 9, 2025
न्युज डेस्क
२०७६ माघ १८, शनिबार
काठमाडौँ । बुधबारदेखि जारी नेपाल कम्युनिष्ट पार्टी (नेकपा)को केन्द्रीय कमिटी बैठकमा समय जनाउको घण्टी बजाउने जिम्मा महासचिव विष्णु पौडेलले पाएका छन्।
नेकपाले छलफलका लागि केन्द्रीय सदस्यहरुलाई १५ समूहका विभाजन गरेको थियो। समूहका टोली नेतालाई रिपोर्ट प्रस्तुत गर्न २० मिनेट समय उपलब्ध गराइएको छ। उक्त समय पूरा भएपछि घण्टी बजाउने कामको जिम्मा प्रधानमन्त्री एवं नेकपा अध्यक्ष केपी शर्मा ओली निकट पौडेललाई दिइएको हो।
अहिले नेकपाका तीन आयोग निर्वाचन आयोग, अनुशासन आयोग र लेखा आयोग तथा जेष्ठ नागरिकका प्रमुखले आफ्नो धारणा राखिरहेका छन्। उनीहरुलाई १० मिनेट समय उपलब्ध गराइएको छ। त्यसपछि नेकपा सचिवालय सदस्यहरुले बोल्ने कार्यसूची छ।
बुधबारदेखि सुरु भएको बैठक सम्भवतः आइतबार सकिने छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया