महन्थ फकाउँदै देउवाः लोसपालाई उपसभामुखसहित २ मन्त्रीको प्रस्ताव

काठमाण्डौः प्रधानमन्त्री शेरबहादुर देउवाले लोकतान्त्रिक समाजवादी पार्टीलाई पनि सरकारमा सहभागी गराउन खोजेका छन् ।

उनले कुनैपनि बेला कम्युनिस्ट पार्टी एक हुनसक्ने देखेपछि वृहत लोकतान्त्रिक एकताको विकल्प अहिले नै तयार गरिराख्न लोसपालाई पनि समेट्न खोजेको स्रोत बताउँछ ।

देउवाले लोसपा अध्यक्ष महन्थ ठाकुरलाई शनिबार भेटेका थिए । स्रोतका अनुसार देउवाले लोसपालाई उपसभामुखसहित २ मन्त्री दिने प्रस्ताव गरेका थिए । जवाफमा ठाकुरले वृहत लोकतान्त्रिक एकतामा जानुपर्नेमा जोड दिएका थिए ।