असार २२, २०८२ आइतबार
July 6, 2025
न्युज डेस्क
२०७६ माघ २३, बिहिबार
काठमाडौं । अन्ततः अमेरिकी राष्ट्रपति डोनाल्ड ट्रम्पले महाभियोगबाट उन्मुक्ति पाएका छन्। ट्रम्पको रिपब्लिकन पार्टीको बहुमत रहेको माथिल्लो सदन सिनेटमा भएको मतदानबाट उनले राष्ट्रपति पदबाट हट्न नपर्नेगरी सफाइ पाएका हुन्।
बीबीसीका अनुसार बुधबार भएको मतदानबाट उनीविरुद्धको महाभियोग खारेज भएको हो।
अब उनी आउँदो नोभेम्बरमा हुने चुनावमा महाभियोग सामना गरेर जाने पहिलो अमेरिकी राष्ट्रपति हुनेछन्।
शक्तिको दुरूपयोग गरिएको भन्ने अभियोगमा ट्रम्पका पक्षमा ५२(४८ मत परेको थियो भने अमेरिकी संसद् कंग्रेसलाई अवरुद्ध तुल्याएको अभियोगमा उनले आफ्नो पक्षमा ५३(४७ मत पाएका थिए।
बुधवारको ऐतिहासिक मतदानमा सिनेटले युक्रेनसँगको ट्रम्पको लेनदेन र संवादका बिषयसँग जोडिएका अभियोगबाट छुटकारा दिएको हो।
डेमोक्र्याटहरूको बहुमत रहेको तल्लो सदन हाउस अफ रेप्रेजेन्टेटिभ्सले भने गत १८ डिसेम्बरमा महाभियोग पारित गरेको थियो।
ट्रम्पसमेत गरेर अमेरिकामा अहिलेसम्म तीन राष्ट्रपतिले महाभियोग सामना गरेका छन्।
यसअघि सन् १८६८ मा राष्ट्रपति एन्ड्रिउ जनसन र सन् १९९८ मा बिल क्लिन्टनविरुद्ध महाभियोग लागेको थियो।
तर महाभियोग सिनेटले खारेज गरिदिएको थियो।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया