नेप्से परिसुचक ७७.०१ अंकले घट्यो, २ अर्ब कारोबार

काठमाण्डौंः साताको पहिलो कारोबार दिन सोमबार नेप्से परिसुचक ७७.०१ अंकको घटेकोे छ । आगामी मौद्रिक नीति संघारमा रहेका बेला नेप्से भने ओरालो यात्रामा छ । सोमबार कारोबारको प्रारम्भबाटै ओरालो लागेको बजारमा कुल २२७ कम्पनीको कारोबार भयो ।

यस दिन ४५ हजार १९६ पटक कारोबारबाट ६३ लाख १३ हजार ६४१ कित्ता सेयर किनबेच हुदा कारोबार रकम २ अर्ब ३२ करोड ५६ लाख ४१ हजार २२ रुपैयाँको भएको छ । सबै उपसमूहको सेयर मूल्य घट्दा सबैभन्दा धेरै जलविद्युत, व्यापार र तथा वित्त कम्पनीका लगानीकर्ताले गुमाएका छन् ।

आज सानिमा डिभेन्चरको मूल्य सबैभन्दा धेरै २ प्रतिशतले बढ्यो । बीओके डिभेन्चर, गुडविल फाइनान्स डिभेन्चरको मूल्य समेत धेरै बढ्नेमा रह्यो ।

यस्तै ग्रामिण विकास लघुवित्त वित्तीय संस्थाको मूल्यमा नेगेटिभ सर्किट लाग्यो । किसान लघुवित्त, ग्लोबल आईएमई समुन्नत, हिमालयन पावरसहितको सेयर मूल्य भने धेरैले घटेको छ । हिमालयन डिष्ट्रिलरीको सबैभन्दा धेरै कारोबार भएको छ ।