७२ औं स्थापना दिवशको अवसरमा पद्मकन्या क्याम्पसमा साताव्यापी खेलकुदको आयोजना

काठमाण्डौं : पद्मकन्या वहुमुखी क्याम्पस बागबजारले ७२ औं वार्षिकोत्सवको अवसरमा सप्ताहाव्यापी विभिन्न खेलकुद कार्यक्रमको आयोजना गरेको छ ।

आगामी असोज १ गते ‘क्याम्पस डे’ अर्थात क्याम्पसको ७२ औं स्थापना दिन हो । सोहि अवसरमा भाद्र १७ गतेदेखि २३ गतेसम्म संचालन हुने सप्ताहाव्यापी खेलकुदको निमित्त क्याम्पस प्रमुख राजु मल्लले भलिवल रेफ्रिलाई बल हस्तान्तरण गरी कार्यक्रमको उद्घाटन गर्नुभएको थियो ।

साताव्यापी खेलकुद कार्यक्रमको उद्घाटन गर्दै निमित्त क्याम्पस प्रमुख राजु मल्लले भलिबल खेलले विद्यार्थीको समग्र विकास गरी पठनपाठनलाई उर्जाशिल बनाउन मद्दत पुग्ने वताउनुभयो । विगतका वर्षहरुमा नियमित रुपमा हुदै गरेको खेलकुद गतिविधि कोरोना संक्रमणकालका वेलामा रोकिएको भएपनि अबका बर्षहरुमा नियमित रुपमा सञ्चालन हुने समेत उहाँले जानकारी गराउनुभयो ।

साताव्यापी कार्यक्रममा भलिबल, वास्केटबल, व्याटमिन्टन लगायत करिब आधा दर्जन खेलमा क्याम्पसमा अध्ययनरत सय भन्दा धेरै छात्रा विद्यार्थीहरुले भाग लिएको प्रशिक्षक अरुणा राणाले बताउनुभयो । विविध कारण केहि बर्ष स्थगित खेलकुद गतिविधि पून आरम्भ भएकोले विद्यार्थीहरु उत्साहित भएको उहाँले बताउनुभयो ।

उहाँले ‘कार्यक्रमका उपस्थित सहायक क्याम्पस प्रमुखहरु, प्राध्यापकहरु, प्राध्यापक संघका अध्यक्ष, प्र.पा. संघ इकाई अध्यक्ष, लेखाप्रमुख, प्रशासन प्रमुख, कर्मचारीहरु सबैमा आभार प्रकट समेत गर्नुभयो ।’

कार्यक्रमको फोटोहरुः