कोरोना संक्रमित युवतीसँगै कतारबाट आएका छ जना चितवनमा

चितवन । नेपालमा दोस्रो कोरोना संक्रमित व्यक्तिसँगै कतार एयरवेजबाट आएका छजना जना व्यक्ति चितवन आइपुगेका छन् ।

चैत ४ गते फ्रान्सबाट कतार हुँदै कतार एयरवेजको विमानबाट नेपाल आएकी एक १९ बर्षीया युवतीलाई संक्रमणको देखिएपछि उनीसँगै बिमानमा आएका छ जना चितवन आइपुगेको जानकारी पाएपछि चितवन प्रहरीले ती व्यक्तिहरुको खोजी सुरु गरेको छ ।

प्रहरी प्रधान कार्यालयको केन्द्रीय हेल्थ डेक्सको निर्देशनअनुसार उनीहरुलाई खोजी गरी क्वारेन्टाइनमा निगरानीमा राख्न नामसहित जिल्ला प्रशासन कार्यालयलाई अनुरोध गरिएको चितवन प्रहरी कार्यालय, बिशेष शाखाका प्रहरी निरीक्षक देवराज शर्माले जानकारी दिएका छन।
सो विमानबाट चितवनमा आएकाहरुमा पार्वती नेपाली, बुद्धिराज कोइराला, सञ्जु कँडेल कोइराला, सुरेश गुरुङ, दीक्षा कँडेल र शम्भु नेपाली रहेका छन् ।

प्रहरीले उनीहरुको नागरिकतालगायत परिचय खुल्ने कागजात हेरी अविलम्ब विवरण खुलाई पठाउन प्रशासनसँग आग्रह गरेको छ । उनीहरुमा पनि संक्रमण फैलिन सक्ने आशंकामा खोजी सुरु गरिएको प्रहरीले जनाएको छ ।