कार्तिक २७, २०८३ शुक्रबार
November 13, 2026
युग खबर
२०७९ पुष १५, शुक्रबार
काठमाण्डौंः वीरगञ्ज नाकाबाट कात्तिक १५ गतेदेखि मङ्सिर मसान्त सम्ममा ३ अर्ब ९८ करोड ६६ लाख ४३ हजार मूल्य बराबरको धान भित्रिएको छ ।
धानको निर्यातमा भारत सरकारले लगाएको प्रतिबन्ध खुला गरेपछि डेढ महिनामा ९९ हजार ९ सय ४८ मेट्रिक टन धान आयात भएको वीरगन्ज भन्सार कार्यालयले जनाएको छ ।
६ लाख मेट्रिक टन धानमा कर नलाग्ने गरी कोटा नै तोकेर भारतले नेपालका लागि निर्यात खुला गरेपछि नेपाली व्यापारीहरूले भारतबाट धमाधम धान आयात गरिरहेका छन् ।
नेपाल सरकारको पहल र व्यवसायीहरूको अनुरोधमा भारत सरकारले कात्तिक १५ गतेदेखि धानमा लगाएको प्रतिबन्ध हटाएको वीरगञ्ज उद्योग वाणिज्य संघका अध्यक्ष डा. सुबोध कुमार गुप्ताले बताउनुभयो ।
भारत सरकारले आन्तरिक उत्पादन घटेको र मुलुकभित्रै खपत बढी भएको जनाउँदै नेपालमा धान निर्यात रोकेको थियो ।
आन्तरिक उत्पादनले मुलुकभित्रको खाद्यान्नको आवश्यकता धान्न नसकेपछि प्रति वर्ष ५ देखि ६ लाख मेट्रिक टन धान र त्यही अनुपातमा व्यवसायीहरूले चामल आयात गर्दै आएका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया