वैशाख ७, २०८१ शुक्रबार
April 19, 2024
युग खबर
२०७९ फागुण २१, आइतबार
काठमाडौंः चितवनस्थित भरतपुर अस्पतालमा फागुन २६ गतेदेखि ११ दिनसम्म सिटि स्क्यान सेवा बन्द रहने भएको छ।
अस्पतालले एक सूचना जारी गरी फागुन २६ गतेदेखि चैत ६ गतेसम्म सिटी स्क्यान सेवा बन्द रहने जनाएको हो। सिटी स्क्यान मेसिन पुरानो भवनबाट नयाँ भवनमा सार्नुपर्ने भएकाले सेवा बन्द गर्न लागिएको अस्पतालका मेडिकल सुपरिटेण्डेन्ट प्राडा कृष्ण पौडेलले बताए।
उनले भने, ‘अहिले यो मेसिन पुरानो भवनमा छ। नयाँ भवनमा सार्दा हप्ता दश नै लाग्ने रहेछ। त्यसैले पहिले नै सूचना निकालिएको हो।’
भरतपुरमा अस्पतालमा सिटी स्क्यान सेवा २०७४ सालदेखि सुरु भएको हो। हाल दैनिक २० जना बिरामीले सिटी स्क्यानको सेवा लिने गरेका छन्। निजी अस्पतालमा कम्तीमा ६ हजार शुल्क लाग्ने सिटी स्क्यान भरतपुर अस्पतालमा ४ हजारमा गर्ने गरिएको डा पौडेलले बताए।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया