वैशाख २९, २०८१ शनिबार
May 11, 2024
युग खबर
२०७९ चैत्र ३, शुक्रबार
काठमाण्डौः सन् २०२३ मा सार्वजनिक हुने आईफोन १५ सिरिज अन्तर्गत प्राे माेडेलका फोनको मूल्य अहिलेसम्मकै धेरै महँगाे हुने भएको छ ।
प्रविधि विश्लेषक जेफ पुले म्याक र्युमर्समा सार्वजनिक गरेको रिपोर्टअनुसार अहिलेको बजार मूल्यभन्दा आईफोन १५ प्रो सिरिजका फाेनकाे मूल्य धेरै महँगो हुनेछ । सामान्य र प्रो मोडेलका फोनहरूमा भिन्नता ल्याउन हार्डवेयर र सफ्टवेयरमा धेरै कुरा परिमार्जन हुन लागेका कारण मूल्यवृद्धि गर्ने तयारी गरिएकाे उनले उल्लेख गरेका छन् ।
सामान्यतः अहिले एप्पलको प्रो सिरिजिकाे मूल्य ९९९ अमेरिकी डलरबाट सुरू हुने गर्छ । यद्यपि देशअनुसार फोनको मूल्य तलमाथि हुने गर्छ । यसअघि सन् २०१७ मा एप्पलको प्रो सिरिज अन्तर्गत आईफोन एक्सको मूल्य बढ्ने हल्ला फैलिएपछि यसपटक पुन: मूल्यबारे आशङ्का हुन थालेकाे छ ।
तर यसबारे एप्पलले भने केही जानकारी खुलाएकाे छैन ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया