काठमाण्डौः साफ यू १७ महिला च्याम्पियनसीप अन्तर्गत आज सम्पन्न खेलमा नेपाली टोली रसियासँग पराजित भएको छ।
बंगलादेशस्थित सिपाही मोस्तफा कमल स्टेडियममा सम्पन्न खेलमा नेपाली टोली साफमा आमन्त्रित टोली रसियासँग ३-० गोलअन्तरले पराजित भएको हो। खेलको तीन वटै गोल दोस्रो हाफमा भएको थियो। रसियाको जितमा एलिना गोलिकले ६३ र ७५ औँ मिनेटमा गोल गर्दा पोलिना फिल्सिनाले ८३ औँ मिनेटमा गोल थपिन्।
जारी साफ च्याम्पियनसिपमा नेपालको यो दोस्रो हार हो। यसअघि नेपाली टोली भारतसँग ४-१ गोलअन्तरले पराजित भएको थियो। यसक्रममा नेपालले भुटानमाथि ५-० गोलको जित निकालेको थियो।
प्रतियोगितामा नेपाल, बंगलादेश, भुटान, भारत र रसियाको सहभागिता छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया