भाद्र १, २०८३ सोमबार
August 17, 2026
युग खबर
२०७९ चैत्र २४, शुक्रबार
काठमाडौंः नेपाल टेलिकमका सिम प्रयोगकर्ताहरूले हिमालयन बैङ्कको मोबाइल बैङ्किङ एप निःशुल्क चलाउन पाउने भएका छन् ।
नेपाल टेलिकम र हिमालयन बैङ्कको सहकार्यमा हिमालयन बैंकका ग्राहकले सो बैङ्कको एप निःशुल्क चलाउन सक्ने व्यवस्था गरिएको हो ।
यस सम्बन्धी गत चैत २० गते भएको सम्झौतापत्रमा नेपाल टेलिकमको तर्फबाट प्रमुख व्यावसायिक अधिकृत संगीता पहाडी र हिमालयन बैङ्कको तर्फबाट नायब प्रमुख कार्यकारी अधिकृत उज्वल राजभण्डारीले हस्ताक्षर गर्नुभयो ।
सो अवसरमा नेपाल टेलिकमका प्रमुख व्यावसायिक अधिकृत पहाडीले बैंकका मोबाइल एप प्रयोगकर्ताहरूको सहजताका लागि नेपाल टेलिकमले सहजीकरण गर्ने कार्यलाई निरन्तरता दिइरहेको र धेरै ग्राहक लाभान्वित भइरहेको बताउँदै हिमालयन बैंकका ग्राहक पनि लाभान्वित हुने विश्वास व्यक्त गर्नुभयो ।
बैंकका नायब प्रमुख कार्यकारी अधिकृत भण्डारीले बैंकका ग्राहकहरूलाई सुविधाहरू दिने कार्यमा नेपाल टेलिकमसँगको सहकार्यले महत्वपूर्ण भूमिका खेल्ने अपेक्षा व्यक्त गर्नुभयो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया