वैशाख ६, २०८१ बिहिबार April 18, 2024

नक्कली ‘वर्क परमिट’ बनाउने सक्रिय

शेयर गर्नुहोस:
फन्ट परिवर्तन गर्नुहोस:

काठमाडौँः वैदेशिक रोजगार विभागले दक्षिण अफ्रिकामा आकर्षक रोजगारीको प्रलोभन देखाएर ठगी गर्ने गिरोह सक्रिय भएकोे जनाएको छ । विभागका अनुसार आकर्षक सेवा सुविधासहितको पदमा काम लगाइदिने भन्दै उक्त गिरोहले नक्कली ‘वर्क परमिट’ बनाएर ठगी गर्ने गरेको पाइएको हो ।

विभागले विज्ञप्तिमार्फत यसरी मानव बेचबिखन तथा गैरकानुनी आप्रवासनमा संलग्न गिरोहले १५० भन्दा बढी व्यक्तिबाट लाखौँ रुपियाँ सङ्कलन गरिरहेको र सामाजिक सञ्जालमा भ्रमपूर्ण विज्ञापन गरिरहेकाले त्यस्ता प्रलोभनमा नपर्न आग्रह गरको छ ।

उक्त गिरोहले भ्रमण भिसामा पठाउने र त्यहाँ पुगेपछि काम लगाइदिने प्रलोभन दिने गरेको छ । भ्रमण भिसामा गएर कुनै पनि किसिमको रोजगारीमा संलग्न हुने कार्यलाई गैरकानुनी मानिन्छ । त्यस्तो कार्यमा संलग्न व्यक्तिलाई सम्बन्धित देशका निकायले पक्राउ गरी कानुनबमोजिम दण्ड जरिबाना गराई वा थुनामा राखेर देश निकाला गर्छ । “भारतमा रहेको दक्षिण अफ्रिकाको उच्चायुक्त र कन्सुलेट जनरलबाट जारी हुने भम्रण भिसा दक्षिण अफ्रिका आउने प्रयोजनका लागि मात्र भएको हुँदा त्यस भिसाका आधारमा अफ्रिकामा रोजगारीजन्य काममा संलग्न हुन पाइँदैन,” विभागले प्रकाशित गरेको सूचनामा उल्लेख छ । गोरखापत्र दैनिकबाट

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया