आजको मौसम : बिहानैदेखि देशभर शुरु भएको वर्षा बिहिबारसम्म जारी रहने

काठमाडौं । आज बिहानैदेखि  देशभर वर्षा भइरहेको छ । मौसम पूर्वानुमान महाशाखाका  अहिले सबै प्रदेशका केही स्थानमा हल्कादेखि मध्यमसम्म वर्षा भइरहेको छ।

महाशाखाका अनुसार रातिदेखि नै देशभर पानी परिरहेको छ ,अझै २-३ दिन यही क्रम जारी रहने जनाएको छ।

महाशाखाले आज बिहान ६ बजे जारी गरेको मौसम पूर्वानुमान बुलेटिनअनुसार दिउँसो सुदूरपश्चिम प्रदेशलगायत देशका पहाडी भूभागका केही र बाँकी भूभागका थोरै स्थानमा हल्कादेखि मध्यमसम्म वर्षा हुने सम्भावना छ। यस क्रममा सुदूरपश्चिम प्रदेशका एक/दुई ठाउँमा भने मेघगर्जन र चट्याङसहित भारी वर्षाको समेत सम्भावना छ।

बुलेटिनअनुसार राति पनि कोशी, मधेश, बागमती, गण्डकी र लुम्बिनी प्रदेशका केही स्थान र बाँकी प्रदेशका थोरै स्थानमा हल्कादेखि मध्यमसम्म वर्षा हुने सम्भावना छ। यस क्रममा कोशी, बागमती, गण्डकी र लुम्बिनी प्रदेशका एकरदुई स्थानमा मेघगर्जन र चट्याङसहित भारी वर्षाको सम्भावना छ।

यसैबीच आज काठमाडौं उपत्यकामा पनि हल्कादेखि मध्यमसम्म वर्षा हुने सम्भावना छ।

महाशाखाले आगामी २४ घण्टा बिहीबार बिहान ६ बजेसम्मका लागि चेतावनी तथा परामर्श पनि जारी गरेको छ।