ललितानिवास प्रकरणमा आजै जिल्ला अदालत काठमाडौंमा मुद्दा दर्ता गर्ने तयारी

काठमाण्डौंः ललितानिवासको सरकारी जग्गा व्यक्तिका नाममा गरेको प्रकरणमा आजै जिल्ला अदालत काठमाडौंमा मुद्दा दायर गर्ने तयारी भएको छ । यो प्रकरणमा अनुसन्धान गरेको प्रहरीको केन्द्रीय अनुसन्धान ब्यूरो (सीआईबी) ले प्रतिवेदन जिल्ला सरकारी वकिल कार्यालय काठमाडौंमा बुझाइसकेको छ ।

सीआईबीको फाइल अध्ययन गरेपछि जिल्ला सरकारी वकिल कार्यालयले अभियोजनको तयारी गरेको हो । आज आइतबार वकिल कार्यालयले जिल्ला अदालत काठमाडौंमा अभियोजनपत्र दायर गर्ने तयारी गरेको हो ।

यो प्रकरणमा तत्कालीन प्रधानमन्त्रीहरूलाई उन्मुक्ति दिएर चार मन्त्रीलगायत २८६ जनामाथि मुद्दा चलाउन सीआाईबीले सिफारिस गरेको छ । सीआईबीको सिफारिसअुनसार अभियोजन हुने वकिल कार्यालय स्रोतले जनाएको छ ।