आरती र गृह मन्त्रालयबीच दुई बुँदे सहमति

काठमाण्डौंः वैवाहिक बलात्कार र बलात्कार मुद्दामा जिउज्यानको सुरक्षाको माग गर्दै  अनसनरत बाँकेकी आरती रावल (गिरी) र गृह मन्त्रालयबीच दुई बुँदे सहमति भएको छ  ।

मंगलबार मन्त्रालय र  गिरीबीच सहमति  भएपछि  असार १० गतेदेखि अनसनमा बसेकी गिरीले अनसन तोडेकी हुन् । सहमतिअनुसार अब शान्ति सुरक्षाका लागि  गृह मन्त्रालयले मातहत निकायलाई आवश्यक निर्देशन  दिने भएको छ ।

सहमति पत्रमा आरती र गृह मन्त्रालयको तर्फबाट उपसचिव कुल बहादुर जिसीले हस्ताक्षर गरेका छन्। श्रीमान्‌विरुद्ध वैवाहिक बलात्कार मुद्दा दायर गरेकी गिरीको मुद्दा अदालतमा विचाराधिन छ।