नेत्रविक्रम चन्द विप्लवका छोरा प्रकाश र मान्यताले गरे जनवादी विवाह

काठमाडौं : नेपाल कम्युनिस्ट पार्टीका महासचिव नेत्रविक्रम चन्द ‘विप्लव’का छोरा प्रकाश चन्द विवाह बन्धनमा बाँधिएका छन् । चिकित्सा क्षेत्रका प्रकाशले चिकित्सा क्षेत्रकै डा. मान्यता थापासँग प्रगतिशिल विवाह गरेका हुन् ।

चितवनकी डा. मान्यता थापा र प्रकाश चन्दले बुधबार कपिलवस्तुस्थित शिवगढीमा रहेको कार्यालयमा परम्परागत शैलीमा जनवादी विवाह गरेका हुन् ।

चितवन मेडिकल कलेजमा एमबीबीएस अध्ययनका क्रममा प्रकाश र मान्यताबिच प्रेम सम्बन्ध रहेको थियो ।

प्रकाश विप्लव पार्टी निकट जनस्वास्थ्य सङ्घका केन्द्रीय महासचिव हुन् भने मान्यता केन्द्रीय सदस्य हुन् । विवाह समारोहमा नेकपाका शीर्ष नेताहरू, शुभचिन्तक तथा समर्थकहरूको सहभागीता रहेको थियो ।