असार २६, २०८२ बिहिबार
July 10, 2025
न्युज डेस्क
२०७७ जेठ २५, आइतबार
२५ जेठ,काठमाडौं । कोरोनाको आशंकामा गत २४ घण्टामा ३ हजार ७ सय २८ जनाको पिसिआरबाट नमुना परीक्षण भएको छ।
नेपालमा हालसम्म २ लाख ४१ हजार २ सय ५४ जनाको कोरोना परीक्षण भएको स्वास्थ्य तथा जनसंख्या मन्त्रालयले जनाएको छ। ९६ हजार २ सय ५ जनाको पिसिआर र १ लाख ४५ हजार ४९ जनाको आरडिटीबाट परीक्षण भएको मन्त्रालयका प्रवक्ता डा। विकास देवकोटाले बताए।
आईतबार २ सय १३ जना थपिएसँगै संक्रमितको संख्या ३ हजार ४ सय ४८ पुगेको छ। आईतबार रोल्पामा संक्रमित भेटिएसँगै संक्रमित जिल्लाको संख्या ७१ पुगेको मन्त्रालयले जनाएको छ।
प्रदेश १ मा २ सय ५९, प्रदेश २ मा १ हजार १ सय ६१, बागमतिमा ९२, गण्डकीमा १ सय ११, प्रदेश ५ मा १ हजार १ सय ८१, कर्णालीमा ६ सय ३३ र सुदूरपश्चिममा १ सय ११ जना संक्रमित छन्।
हालसम्म ४ सय ६७ जना उपचारपछि डिस्चार्ज भएको प्रवक्ता देवकोटाले जानकारी दिए। जसमध्ये १ सय २ जना आईतबार डिस्जार्च भएका हुन्। प्रदेश १ मा ९१, प्रदेश २ मा १ सय ८६, बागमतिमा ३२, गण्डकीमा ३, प्रदेश ५ मा १ सय ३३, कर्णालीमा ९ र सुदूरपश्चिममा १३ जना डिस्जार्च भएका हुन्।
यस्तै, प्रदेश १ मा १ सय ६८, प्रदेश २ मा ९ सय ७४, बागमतिमा ५७, गण्डकीमा १ सय ८, प्रदेश ५ मा ९ सय ४४, कर्णालीमा ६ सय २१ र सुदूरपश्चिममा ९६ जना गरी मुलुकभर २ हजार ९ सय ६८ जना अस्पतालको आईसोलेसनमा छन्।
मुलुकभर हाल १ हजार ७० हजार ७ सय ३२ जनालाई क्वारेन्टाइनमा राखिएको मन्त्रालयले जनाएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया