फागुण १३, २०८० आइतबार February 25, 2024

शैक्षिक गुणस्तर वृद्धि गर्न सामुदायिक विद्यालय अनुगमन गरिने

शेयर गर्नुहोस:
फन्ट परिवर्तन गर्नुहोस:

काठमाण्डौंः ओखलढुङ्गा जिल्लामा शैक्षिक गुणस्तर वृद्धि गर्न सामुदायिक विद्यालयहरूको प्रभावकारी अनुगमन गरिने भएको छ । जिल्ला शिक्षा समिति ओखलढुङ्गाले सामुदायिक विद्यालयको शैक्षिक स्तर बढाउन नियमित अनुगमन गर्ने निर्णय गरेको हो ।

स्थानीय तहहरूसँगको समन्वयमा सामुदायिक विद्यालयहरूको अनुगमनलाई प्रभावकारी बनाइने निर्णय भएको समितिका सदस्य राजकुमार ढुङ्गानाले जानकारी दिनुभयो । जिल्ला समन्वय समितिका कार्यवाहक प्रमुख तारादेवी कार्कीको अध्यक्षतामा बसेको बैठकले यस्तो निर्णय गरेको ढुङ्गानाको भनाइ छ ।

यसका साथै शिक्षक सेवा आयोगबाट छनौट भई सिफारिस भएका १२ जना शिक्षकहरूलाई पदस्थापन गर्ने निर्णय भएको छ । कक्षा ११ का परीक्षा केन्द्रहरूको हेरफेरबारे पनि समितिले शिक्षा विकास तथा समन्वय इकाईलाई सिफारिस गरेको छ । केही विद्यालयका विद्यार्थीका लागि परीक्षा केन्द्र अपायक परेको गुनासो आएपछि हेरफेरका लागि सिफारिस गरिएको बताइएको छ ।

बैठकमा शिक्षा विकास तथा समन्वय इकाई प्रमुख नेत्रप्रसाद गजुरेल लगायत सरोकारवालाहरूको सहभागिता थियो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया