प्यूठानमा थप १८ जनामा कोरोना पुष्टि, संक्रमितको संख्या ७३ पुग्यो

काठमाण्डाैंः  प्यूठानका विभिन्न ठाउँमा थप १८ जनामा कोरोना भाइरसको संक्रमण पुष्टि भएको छ । जिल्लामा संक्रमितको संख्या ७३ पुगेको छ ।

राष्ट्रिय जनस्वास्थ्य प्रयोगशाला काठमाडौंमा गरिएको स्वाब परीक्षणमा बुधबार बिहान थप १८ जनामा कोरोना संक्रमण पुष्टि भएको स्वास्थ्य कार्यालय प्यूठानका प्रमुख विशाल सुवेदीले जानकारी दिएका छन् ।

सुवेदीका अनुसार, नयाँ थपिएका संक्रमितहरुमा माण्डवी गाउँपालिकाका ९ जना, नौबहिनी गाउँपालिकाका ३ जना, प्यूठान नगरपालिकाका ४ जना र स्वर्गद्धारी नगरपालिकाका २ जना रहेका छन ।

संक्रमित सबै पुरुष हुन् । उनीहरु २१ देखि ४२ वर्ष उमेर समूहका रहेको कार्यालय प्रमुख सुवेदीले जानकारी दिए ।