स्नातक तह बीएससी प्रथम बर्षको नतिजा भर्खरै प्रकाशित

काठमाण्डाैंः त्रिभुवन विश्वविद्यालय, परीक्षा नियन्त्रकको कार्यालय बल्खुले आज स्नातक तहको नतिजा प्रकाशित गरेको छ ।

गत २०७६ भाद्र महिनामा सञ्चालित चार बर्षे स्नातक तह (बीएससी ) प्रथम बर्षको नतिजा प्रकाशित भएको हो । विज्ञान तर्फको स्नातक (बीएससी) प्रथम वर्षको नतिजा प्रकाशित छ ।

प्रकाशित नतिजामा पास प्रतिशत २१.४८ प्रतिशत मात्र छ । कुल १२ हजार ४ सय २३ जना विद्यार्थीले परीक्षा दिएका थिए । जसमध्ये २ हजार ६ सय ६९ जना विद्यार्थी मात्र पास भएका छन् ।

त्रिविको नतिजा परिक्षा नियन्त्रण कार्यालयको वेभसाइडमा पनि हेर्न सकिने त्रिविले जनाएको छ ।