थप ५३५ जनामा संक्रमण पुष्टि,संक्रमितको संख्या ९५६१ पुग्यो

काठमाडौं । नेपालमा सोमबार ५३५ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले सोमबार ५३५ जना संक्रमित थपिएका नियमित प्रेस ब्रिफिङका क्रममा जानकारी दिएका छन् ।

उनीहरु मध्ये ४६१ जना पुरुष र ७४जना महिला छन् । यो सँगै नेपालमा कोरोना संक्रमितको संख्या ९५६१ पुगेको छ ।

कोरोना संक्रमण निको भएर डिस्चार्ज हुनेको संख्या २१४२ रहेको छ ।  गत चौबिस घण्टामा मात्रै ३७० जना डिस्चार्ज भएका हुन् ।

नेपालमा कोरोना भाइरस संक्रमित फेला परेका जिल्लाहरुको संख्या ७६ पुगेको छ । बागमती प्रदेशको रसुवा बाहेकका सबै जिल्लामा कोरोना संक्रमण फैलिएको डा. गौतमले जानकारी दिएका छन् ।