काठमाण्डौंः मधेश प्रदेशका जिल्लाहरूमा आजदेखि विद्यालय भर्ना अभियान शुरु भएको छ । राष्ट्रिय रुपमा वैशाख २ गतेदेखि नै भर्ना अभियान चलेपनि मधेश प्रदेशमा जूड शीतलका कारणले सार्वजनिक बिदा भएकाले आजदेखि पालिकाहरूमा भर्ना अभियान शुरु भएको हो ।
“सबै बालबालिकाको विद्यालयमा सहभागिता, गुणस्तरीय शिक्षा प्राप्तिको सुनिश्चितता” भन्ने मूल नारासहित जनकपुरधाम उपमहानगरपालिकाका ५२ वटा सामुदायिक विद्यालयमा भर्ना अभियान शुरु भएको जनकपुरधाम उपमहानगरपालिकाका प्रमुख मनोज कुमार साहले जानकारी दिनुभयो ।
विद्यालयको पहुँचबाट कुनै पनि विद्यार्थी बाहिर नहुन् भन्नका लागि अभियान चलाइएको जनकपुरधाम उपमहानगरपालिकाका शिक्षा शाखाका प्रमुख अन्जु पाण्डेले जानकारी दिनुभयो । विद्यालयमा भर्ना भएका विद्यार्थीहरूलाई टिकाउने तथा सिकाउने विषयमा उपमहानगरपालिका गम्भीर रहेको उहाँले बताउनुभयो ।
जनकपुरधामको वडा नंं ८ मा रहेको याज्ञवल्क्य संस्कृत नमूना माध्यमिक विद्यालय ज्ञान कूपबाट जनकपुरधाम उपमहानगरपालिकामा विद्यालय भर्ना अभियान शुरु भएको हो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया