सुदूरपश्चिममा थप ३५ जनामा कोरोना संक्रमण पुष्टि

धनगढी । सुदूरपश्चिम प्रदेशमा शुक्रबार थप ३५ जना कोरोना संक्रमण पुष्टि भएको छ । धनगढीस्थित प्रयोगशालामा गरिएको परीक्षणमा ३५ जनामा कोरोना पुष्टि भएको सेती प्रादेशिक अस्पतालले जनाएको छ ।

संक्रमितमध्ये ७ महिला र २८ पुरुष रहेका छन् । डोटीका २५, कैलालीको सात र बैतडीको तीनजनामा कोरोना पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिएका छन ।

यससँगै सुदूरपश्चिममा संक्रमितको संख्या एक हजार ७०२ पुगेको छ ।