कोरोनाबाट थप १ जनाको मृत्युः पुष्टी हुन बाँकी

काठमाण्डौः चितवनमा  शनिवार थप एक जना कोरोना संक्रमितको मृत्यु भएको छ ।

कैलालीको गोदावरी नगरपालिका -७ का ५० बर्षिय पुरुषको विहान ९ बजे भरतपुर अस्पतालको आइसियू कक्षमा उपचारको क्रममा मृत्यु भएको अस्तपाल स्रोतले जनाएको छ ।

उनि क्यान्सरका समेत विरामी थिए । चितवनमा मेडिकल कलेजमा उपचाररत उनलाई बिहिबार राती कोरोना संक्रमण पुष्टि भएको थियो । कोरोना पुष्टि भएपछि उनलाई भरतपुर अस्पताल सारिएको थियो ।

शुक्रबार दिउँसोदेखि उनको स्वास्थ्य अवस्था जटिल बन्दै गएपछि उनलाई आइसोलेशन वार्डबाट आइसियूमा सारिएको अस्पतालले बताएको छ।

योसँगै नेपालमा कोरोनाबाट मृत्यु हुने संख्या २८ पुगेको छ भने चितवनमा मात्रै २ पुगेको छ । यसअघि भरतपुर महानगरपालिका ११ का कोरोना संक्रमितको मृत्यु भएको थियो । मृत्युको कारणबारे साँझ स्वास्थ्य मन्त्रालयले पत्रकार सम्मेलन मार्फत पुष्टी गरिने बताईएको छ ।