अवैध बुद्धचित्तको मालासहित स्वयम्भूबाट एकजना पक्राउ

काठमाण्डौं: अवैधरुपमा सञ्चय गरी राखेको बुद्धचित्तको मालासहित काठमाण्डौँको स्वयम्भु बडेगालका सरोज तिमिल्सिनालाई प्रहरीले पक्राउ गरेको छ ।

अवैधरुपमा सञ्चय गरी राखेको बुद्धचित्तको माला ११ किलो ७ सय ग्राम तथा नउनेको अवस्थामा रहेको बुद्धचित्त २४ किलोसहित प्रहरीले उनलाई पक्राउ गरेको प्रहरी प्रधान कार्यालयले जनाएको छ ।

तिमिल्सिनाको घरमा अवैधरुपमा बुद्धचित्त सञ्चय गरिराखेको भन्ने गोप्य सूचनाका आधारमा महानगरीय प्रहरीवृत्त स्वयम्भूबाट खटिएको प्रहरीले काठमाडौं महानगरपालिका-१५ स्वयम्भू स्थित घर तलासी गर्दा उक्त परिमाणको बुद्धचित्त फेला पारेको हो ।

सानो माला ४ सय १६ थान र ठूलो माला छ थान फेला पारिएको प्रहरीले जनाएको छ । उक्त घटनाका सम्बन्धमा प्रहरीले थप अनुसन्धान गरिरहेको छ । रासस