संघीय निजामती सेवा ऐनको मस्यौदा बहुमतले पारित

काठमाण्डौः संसद्को राज्य व्यवस्था तथा सुशासन समितिले संघीय निजामती सेवा ऐनको मस्यौदा प्रतिवेदन बहुमतले पास गरेको छ।

सत्तारुढ दलका केही सांसद र संघीय मामिला तथा सामान्य प्रशासनमन्त्री हृदयश त्रिपाठीले असहमति जनाएपनि विधेयक पास भएको हो । बैठकमा समितिका सभापति शशी श्रेष्ठले यसअघि नै तयार पारिएको प्रतिवेदन पारित भएको घोषणा गरेकी हुन् ।

कर्मचारी समायोजनको व्यवस्था, अवकाशको व्यवस्था, ट्रेड युनियन सम्बन्धि व्यवस्था, समावेशीको विषय र प्रदेश मन्त्रालयका सचिवका सम्बन्धमा भएका व्यवस्थामा मन्त्री त्रिपाठीले असहमति जनाएका छन् ।

मन्त्री त्रिपाठीले समितिले तयार पारेको मस्यौदाका आधा दर्जन जति विषयहरूमा आफ्नो असहमति रहेको दोहोर्‍याइरहेका थिए भने सांसदहरूले पनि यसअघि झैँ आ-आफ्नै रायहरू राखेर आज नै टुंगिन नसक्ने बताएपनि उक्त प्रतिवेदन समितिको बहुमत सदस्यले पारित गरेका हुन् ।