असार २५, २०८२ बुधबार
July 9, 2025
न्युज डेस्क
२०७७ असार १५, सोमबार
काठमाडौंः प्रधानमन्त्री के पी शर्मा ओलीले निजी उद्योग ब्यवसायहरुलाई नियमन गर्ने बिभिन्न निकायहरु रहेको हुँदा यस क्षेत्रको अनियमितता र भ्रष्टाचार हेर्न अख्तियार दुरुपयोग अनुसन्धान आयोग हाल आवश्यक नरहेको बताएका छन् ।
नेपाल उद्योग परिसँघको काठ्माण्डौंमा जारी १७औं बार्षिक साधारणसभालाइ भर्च्युअल माध्यमबाट सम्बोधन गर्दै प्रधानमन्त्री ओलीले महामारीबाट उत्पन्न समस्या साझा भएको र यसको समाधान पनि साझा प्रयासबाट सम्भव हुने बताए ।
प्रधानमन्त्री ओलीले कोभिड-१९ का कारण बैदेशिक रोजगारीबाट फर्केका लाखौं युवायुवतीहरुका लागि रोजगारीका अवसर सृजना गर्नुपर्ने आवश्यकता पैदा भएको बताएका हुन् ।
साथै उनले विश्वमहामारी कोरोना भाइरसका कारण अर्थतन्त्र स्वास्थ्य शिक्षा लगायत राष्ट्रिय जीवनका बिभिन्न पक्षमा परेका प्रभावहरु कम गर्न सरकार प्रयासरत रहेको पनि उल्लेख गरेका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया