कार्तिक १६, २०८३ सोमबार
November 2, 2026
न्युज डेस्क
२०७७ असार १७, बुधबार
काठमाडौं: राष्ट्रिय प्रजातन्त्र पार्टीका नेता तथा पूर्वमन्त्री विक्रम पाण्डेले पार्टीका कुनै पनि बैठक तथा कार्यक्रममा सहभागी नहुने चेतावनी दिएका छन्।
पाण्डे आज दिउँसो २ बजेको लागि बोलाईएको पार्टीको केन्द्रीय सचिवालय कार्य व्यवस्था समितिको बैठकमा पनि उपस्थिति नहुने बताए । ‘मेरो मागको सुनुवाई नभएसम्म म पार्टीले गर्ने कुनै पनि बैठक तथा कार्यक्रममा सहभागी हुने छैन,’ नेता पाण्डेले भने।
कमल थापा नेतृत्व राष्ट्रिय प्रजातन्त्र पार्टी र अध्यक्षद्वय पशुपति शम्शेर जबरा र डा. प्रकाशचन्द्र लोहनी नेतृत्वको पार्टी एकीकरण भएर राष्ट्रिय प्रजातन्त्र पार्टी भएको छ। दुवै पार्टी एकीकरण भएपछि केन्द्रीय सदस्यहरू कटौती भएपछि नेता पाण्डेले असन्तुष्टि व्यक्त गर्दै आएका छन् ।
नेता पाण्डेले दुवै पार्टी एकीकरणअघि भएका केन्द्रीय सदस्यलाई समेट्नु पर्ने माग राखिरहेका छन् । ‘यति उति सदस्य भन्ने होइन । दुवै पार्टीका केन्द्रीय सदस्यहरूलाई समेट्नु पर्यो भन्नेमात्र मेरो माग हो,’ नेता पाण्डेले भने।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया