ललितपुरको खोकनामा किसान र प्रहरीबीच झडप

काठमाडौंः ललितपुरको खोकनामा किसान र प्रहरीबीच झडप भएको छ । आफ्नो जमिन खनजोग गर्न गएका किसानहरु र प्रहरीबीच शनिवार अपरान्ह झडप भएको हो ।

काठमाडौं तराई द्रुतमार्गको जग्गामा रोपाँई गरिएको भन्दै प्रहरीले बल प्रयोग गरेको हो । तर, किसानहरूले आफ्नो जग्गाको मुआब्जा नपाएकोले आज रोपाँई गरेको बताएका छन् ।

प्रहरीले असार १५ गतेपनि उनीहरुलाई रोपाईँ गर्न रोकेको थियो । किसानहरुले भने मुआब्जा नपाएकोले खनजोत गर्न पाउनुपर्ने माग राख्दै आएका छन् । आज किसानहरुले संयुक्त रोपाई गरेका हुन् ।