युट्युबमा आयो महजोडी अभिनित फिल्म ‘महापुरुष’ (भिडियो)

काठमाडौं । हल हुँदै ओटीटी प्लेटफर्ममा रिलिज भइसकेको चलचित्र ‘महापुरुष’ युट्युबमा पनि सार्वजनिक भएको छ । बिहीबार लक्ष्मी पूजाको अवसर पारी निर्माता टोलीले फिल्म युट्युबमा सार्वजनिक गरेको हो ।

हल र ओटीटीमा चलचित्र हेर्न नगएका दर्शकले यस फिल्म केन्द्र मोसन फिक्चर्स नामक युट्युब च्यानलमा हेर्न सक्नेछन् । यसअघि यो चलचित्र सिनेमाघर, एमएसएम भिडिओ जस्ता ओटीटीमा आइसकेको थियो ।

निर्देशक भट्टराईकै लेखन रहेको भएको चलचित्रमा महजोडी हरिवंश आचार्य र मदनकृष्ण आचार्यसँगै राजाराम पौडेल, गौरी मल्ल, नरेश पौडेल, अरुण क्षेत्री, शिखा तामाङ, कोपिला थापा लगायतका कलाकारको अभिनय रहेको छ । नेपालका अधिकांश हल र विदेशमा समेत लागेको यस फिल्मले राम्रो चर्चा पाएको थियो । फिल्म हेर्न यहाँ क्लिक गर्नुहोस्।