मुग्लिङ-नारायणघाट सडकखण्ड ठाउँठाउँमा अबरुद्ध

काठमाण्डाैंः मुग्लिङ-नारायणघाट सडक खण्डको चार किलो भन्ने ठाँउमा खसेको पहिरोका कारण सडक अवरुद्ध भएको छ ।

अविरल वर्षपछि विहान खसेको पहिरोका कारण सडकमा सवारी आवागमन पुर्ण रुपमा बन्द भएको ईलाका प्रहरी कार्यालय मुग्लिनले जानकारी दिएको छ । सो क्षेत्रमा वर्षा भईरहेको छ ।

सडक खुलाउने प्रयास जारी रहेको सडक विभागले जनाएको छ । सडक अवरुद्ध भएका कारण सयौं मालवाहक सवारी सडकमा नै रोकिएर बसेका छन् ।

यसैबीच सिदार्थ राजमार्ग अन्तरगत तानसेन बुटवल सडकखण्डको डुम्रेस्थित गौडेपुल नजिकै पुनः पहिरो खसेर राजमार्ग पूर्ण रुपमा अवरुद्ध भएको छ ।

चारदिनअघि पहिरो खसेर अवरुद्ध भएको सडक आइतबार बेलुका पहिरो पन्छाएर एकतर्फी सुचारु गर्ने प्रयास भएपनि पुनः पहिरो खसेका कारण सडक पूर्ण रुपमा बन्द भएको प्रहरीले जनाएको छ ।

आईतबार बेलुका परेको वर्षासंगै ढुंगासहितको पहिरो खस्ने क्रम नरोकिएका कारण सडक सुचारु गर्न समस्या भएको छ ।- रासस