चाैविस घण्टामा १ सय जना कोरोनाका नयाँ बिरामी थपिएः २ सय ७ जना कोरोना संक्रमण मुक्त भएर घर फर्किए

काठमाण्डौंः नेपालमा पछिल्लो चाैविस घण्टामा एकसय जना कोरोना भाइरसका नयाँ बिरामी थप भएका छन् ।

स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता प्राडा. जागेश्वर गौतमले पछिल्लो २४ घण्टामा एकसय जना कोरोना संक्रमित थपिएको जानकारी दिनुभएको छ ।

पछिल्लो थप भएसँगै नेपालमा बुधबारसम्म ५ हजार ३ सय ७० जनामा कोरोना भाइरसका  सक्रिय बिरामीको संख्या पुगेको छ ।

यसैगरी पछिल्लो २४ घण्टामा २ सय ७ जना कोरोना संक्रमण मुक्त भएर डिस्चार्ज भएका छन् । हालसम्म १२ हजार ६ सय ८४ जना कोरोनाका बिरामी पूर्ण रुपमा निको भई डिस्चार्ज भएका छन् ।