कार्तिक २६, २०८३ बिहिबार
November 12, 2026
युग खबर
२०८१ पुष ७, आइतबार
काठमाण्डौं, ०७ पौष । राष्ट्रिय स्वतन्त्र पार्टी (रास्वपा)का सभापति रवि लामिछानेको सांसद पद निलम्बनमा पर्ने भएको छ ।
जिल्ला अदालत कास्कीमा सम्पत्ति शुद्धीकरणसहित ३ वटा कसुरमा मुद्दा दर्ता भएसँगै उनी निलम्बित हुने भएका हुन् । कुनै पनि सार्वजनिक पदधारण गरेका व्यक्तिविरुद्ध सम्पत्ति शुद्धीकरणको कसुरमा मुद्दा दायर भए स्वत: निलम्बित हुने कानुनी प्रावधान छ ।
लामिछानेलाई निलम्बन गर्न कास्की प्रहरीले सभामुखलाई सम्बोधन गरी लेखेको पत्र संसद सचिवालयमा पुगिसकेको छ । संसद् सचिवालयका प्रवक्ता एकराम गिरीका अनुसार आज अबेला चिठी आइपुगेको हो ।
प्रहरीको पत्र ढिला प्राप्त भएकाले यसबारे भोलि प्रक्रिया अघि बढ्ने उनले बताए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया