मंग्सिर ६, २०८३ आइतबार November 22, 2026

नेपालगञ्ज मेडिकल कलेजको ‘ओपिडी’ बन्द भएपछि बिरामी मर्कामा

कर्मचारीहरूको आन्दोलनका कारण समस्या उत्पन्न भई सेवा प्रभावित

शेयर गर्नुहोस:
फन्ट परिवर्तन गर्नुहोस: अ अ अ

नेपालगञ्ज । नेपालगञ्ज मेडिकल कलेजको ओपिडी सेवा पूर्णरुपमा बन्द भएपछि बिरामी मर्कामा परेका छन् । दैनिक करिब ८ सय बिरामीले ओपिडी सेवा लिइरहेको नेपालगञ्ज मेडिकल कलेजमा कर्मचारीहरूको आन्दोलनका कारण समस्या उत्पन्न भई सेवा प्रभावित भएको छ ।

कर्मचारीले विभिन्न माग राखेर निरन्तर आन्दोलन गरिरहँदा पुस ५ गतेदेखि ओपिडी सेवा ठप्प भएको छ । विभिन्न ७ बुँदे माग राखेर आन्दोलनमा उत्रिएका कर्मचारीका कारण मेडिकल कलेजको सेवा प्रभावित भएको हो । दुई सातादेखि चलेको आन्दोलनले मेडिकल कलेजको आपतकालीन सेवा बाहेक सबै सेवा बन्द भएका छन् ।

६ महिना अघि ज्ञापन पत्रमार्फत आफ्ना माग प्रस्तुत गरेको तर मागको कुनै पनि सुनुवाई नभएपछि आन्दोलनमा उत्रिन बाध्य भएको आन्दोलन परिचालन कमिटी संयोजक रत्ना गिरीले बताउनुभयो । २०८१ असार ४ गते लर्ड बुद्ध एजुकेशनल एकेडेमी कर्मचारी संघका सभापति यमबहादुर खड्का, नेपाल स्वास्थ्यकर्मी तथा कर्मचारी युनियनका अध्यक्ष अनिता थापा र लर्ड बुद्ध एजुकेशनल एकेडेमी कर्मचारी सङ्गठनका सभापति समेत रहनुभएकी गिरीले संयुक्त हस्ताक्षर गरेर ७ बुँदे माग प्रस्तुत गर्नुभएको थियो ।

कर्मचारीहरूको मागमा तलब तथा भत्ता महँगी अनुरुप परिमार्जन गर्नुपर्ने, दरबन्दी सिर्जना, पदपूर्ति, पदोन्नति, स्थायी र नियुक्ति, अवकाश, उपदान, सामाजिक सुरक्षा कोष, शेयर र कर्मचारी कल्याणकारी कोष, स्वास्थ्य उपचार खर्च एवं सुविधा, हाजिरी र बिदा, अध्ययन एवं तालिम, संस्थागत सुधार लगायत विषय छन् । कर्मचारीले निरन्तर आन्दोलन गरिरहँदा पनि अस्पताल प्रशासनले कुनै सुनुवाई गरेको छैन । अस्पताल प्रशासनले संस्था घाटामा रहेकाले सुविधा बढाउन नसकिने बताउँदै आएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
नेपाललाई हिन्दु राष्ट्रबाट धर्मनिरपेक्ष राष्ट्र बनाउनुमा राजनीतिक दलहरूको भुमिका : अध्यक्ष लिङ्देन
२०८३ मंग्सिर ६, आइतबार
अमेरिकाबाट निष्कासित दुई महिलासहित २५ आप्रवासी लाइबेरिया पुगे
२०८३ मंग्सिर ६, आइतबार
प्रधानमन्त्री बालेन दिल्लीमा, राज्यमन्त्री जितिन प्रसादले गरे स्वागत
२०८३ मंग्सिर ६, आइतबार
प्रधानमन्त्री शाहको भ्रमणबाट नेपाल-भारत सम्बन्ध थप सुदृढ हुने रास्वपाको विश्वास
२०८३ मंग्सिर ६, आइतबार
प्रधानमन्त्री शाह दुईदिने राजकीय भ्रमणका लागि भारत प्रस्थान
२०८३ मंग्सिर ६, आइतबार
Prime Minister Shah Heads to India for Talks with Narendra Modi
२०८३ मंग्सिर ६, आइतबार
एसियन राइजिङ स्टार्स प्रतियोगिता : युएईले नेपाललाई दियो १२२ रनको लक्ष्य
२०८३ मंग्सिर ६, आइतबार