मंग्सिर ६, २०८३ आइतबार November 22, 2026

अमेरिकाबाट निष्कासित दुई महिलासहित २५ आप्रवासी लाइबेरिया पुगे

निष्कासित आप्रवासीलाई आश्रय दिन लाइबेरियाको एक वर्षमा १२०० जनासम्म स्वीकार्ने घोषणा

शेयर गर्नुहोस:
फन्ट परिवर्तन गर्नुहोस: अ अ अ

मनरोभिया, मङ्सिर ६ गते ।  अमेरिकाबाट निष्कासित २५ जना आप्रवासी पश्चिम अफ्रिकी मुलुक लाइबेरिया पुगेका छन् ।

लाइबेरियाको स्वदेश फिर्ती, पुनर्वास तथा पुनःएकीकरण आयोगका प्रतिनिधिका अनुसार उनीहरू शुक्रबार स्थानीय समयअनुसार राति ९ः३५ बजे लाइबेरिया पुगेका हुन्। निष्कासित हुनेमा दुई महिलासमेत रहेका छन् ।

समूहका अधिकांश व्यक्ति दक्षिण अमेरिकी मुलुकका नागरिक रहेको आयोगका प्रतिनिधिले एएफपीलाई जानकारी दिएका छन् । यद्यपि उनीहरूको राष्ट्रियताबारे विस्तृत विवरण सार्वजनिक गरिएको छैन ।

अमेरिकी राष्ट्रपति डोनाल्ड ट्रम्पको आप्रवासन नियन्त्रणसम्बन्धी नीतिअन्तर्गत पछिल्लो चार महिनायता लाइबेरियामा निष्कासित आप्रवासीहरू आइरहेका छन् ।

लाइबेरियाले एक वर्षको अवधिमा एक हजार २०० जनासम्म विदेशी नागरिकलाई आश्रय दिने घोषणा गरिसकेको छ ।

अमेरिकाबाट निष्कासित व्यक्तिहरूलाई स्वीकार गर्ने अफ्रिकी मुलुकहरूको सूचीमा लाइबेरियासँगै सियरा लियोन, इक्वेटोरियल गिनी, घाना, रुवान्डा, दक्षिण सुडान, क्यामरुन, इस्वाटिनी र प्रजातान्त्रिक गणतन्त्र कङ्गो रहेका छन् ।

यी सहमतिमा अमेरिकाले आर्थिक तथा व्यवस्थापकीय सहयोग उपलब्ध गराएको बताइएको छ ।

लाइबेरिया सरकारले भने निष्कासित व्यक्तिहरूलाई स्वीकार गर्ने सहमतिबापत कुनै क्षतिपूर्ति वा पुरस्कारको आश्वासन नमागेको र प्राप्त नगरेको बताउँदै आएको छ ।

यद्यपि, द न्युयोर्क टाइम्स ले सार्वजनिक कागजातलाई उद्धृत गर्दै लाइबेरियाले आप्रवासीहरूलाई स्वीकार गर्ने विषयमा विचार गर्न सहमति जनाएपछि अमेरिकी विदेश मन्त्रालयको स्वीकृतिमा पाँच मिलियन अमेरिकी डलर उपलब्ध गराइएको जनाएको छ । रासस/एएफपी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
नेपाललाई हिन्दु राष्ट्रबाट धर्मनिरपेक्ष राष्ट्र बनाउनुमा राजनीतिक दलहरूको भुमिका : अध्यक्ष लिङ्देन
२०८३ मंग्सिर ६, आइतबार
अमेरिकाबाट निष्कासित दुई महिलासहित २५ आप्रवासी लाइबेरिया पुगे
२०८३ मंग्सिर ६, आइतबार
प्रधानमन्त्री बालेन दिल्लीमा, राज्यमन्त्री जितिन प्रसादले गरे स्वागत
२०८३ मंग्सिर ६, आइतबार
प्रधानमन्त्री शाहको भ्रमणबाट नेपाल-भारत सम्बन्ध थप सुदृढ हुने रास्वपाको विश्वास
२०८३ मंग्सिर ६, आइतबार
प्रधानमन्त्री शाह दुईदिने राजकीय भ्रमणका लागि भारत प्रस्थान
२०८३ मंग्सिर ६, आइतबार
Prime Minister Shah Heads to India for Talks with Narendra Modi
२०८३ मंग्सिर ६, आइतबार
एसियन राइजिङ स्टार्स प्रतियोगिता : युएईले नेपाललाई दियो १२२ रनको लक्ष्य
२०८३ मंग्सिर ६, आइतबार