असार २५, २०८२ बुधबार
July 9, 2025
युग खबर
२०८१ माघ १, मंगलबार
काठमाडौँ । राष्ट्रिय खेलकुद परिषद् (राखेप)का नवनियुक्त उपाध्यक्ष ध्रुव आचार्यले पद बहाली गर्नुभएको छ । उहाँलाई युवा तथा खेलकुद मन्त्रालयले मनोनयन पत्र हस्तान्तरण गरेको थियो ।
युवा तथा खेलकुद मन्त्री तेजुलाल चौधरीले पद तथा गोपनीयताको शपथ समेत गराउनुभएको थियो । राखेपका सदस्य–सचिव टङ्कलाल घिसिङलगायतले उपाध्यक्ष आचार्यलाई सोमबार राखेपमा स्वागत गर्नुभयो ।
यही पुस १६ गतेको मन्त्रिपरिषद् बैठकले बुटवल उपमहानगरपालिका–७ का आचार्यलाई उपाध्यक्षमा मनोनयन गर्ने निर्णय गरेको थियो । आचार्य मदन भण्डारी स्पोर्ट्स एकेडेमीका अध्यक्ष हुनुहुन्छ ।
यसअघिका उपाध्यक्ष शिव कोइरालाको २०८१ साल साउन ११ गते पदावधि सकिएपछि उपाध्यक्ष पद रिक्त रहेको थियो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया