मंग्सिर ६, २०८३ आइतबार November 22, 2026

कोशी प्रदेशका सरकारी अस्पतालमा दुई सिफ्टमा ओपीडी सेवा सञ्चालन हुने

प्रदेशका १४ वटा जिल्ला अस्पताल र प्रादेशिक अस्पतालहरूमा बिहान १० बजेदेखि साँझ ५ बजेसम्म बहिरङ्ग सेवा उपलब्ध हुने

शेयर गर्नुहोस:
फन्ट परिवर्तन गर्नुहोस: अ अ अ

खोटाङ । कोशी प्रदेशका स्वास्थ्य मन्त्री भुपेन्द्र राईले प्रदेश मातहतका सबै सरकारी अस्पतालहरूमा बुधबारदेखि दुई सिफ्टमा ओपीडी सेवा सञ्चालन गर्न निर्देशन दिएका छन् । यो निर्णयले प्रदेशका १४ वटा जिल्ला अस्पताल र प्रादेशिक अस्पतालहरूमा बिहान १० बजेदेखि साँझ ५ बजेसम्म बहिरङ्ग सेवा उपलब्ध हुने भएको छ ।

नयाँ व्यवस्था अनुसार बिहान ९ बजेदेखि दिउँसो ३ बजेसम्म ओपीडी टिकट काट्न सकिने छ । बहिरङ्ग सेवा बिहान १० देखि दिउँसो २ बजेसम्म पहिलो सिफ्ट र दिउँसो २ बजेदेखि साँझ ५ बजेसम्म दोस्रो सिफ्ट सञ्चालन हुनेछ । यस निर्णयको कार्यान्वयनका लागि स्वास्थ्य मन्त्रालयका वरिष्ठ जनस्वास्थ्य प्रशासक सागर प्रसाईँले १४ वटा जिल्ला अस्पताल, प्रादेशिक अस्पताल भद्रपुर, मदन भण्डारी अस्पताल तथा ट्रमा सेन्टर र कटारी अस्पताल उदयपुरलाई पत्राचार गरिसकेका छन् ।

यसअघि सरकारी अस्पतालहरूमा दिउँसो १ बजेसम्म मात्र ओपीडी सेवा उपलब्ध थियो, जसका कारण त्यसपछि आउने बिरामीहरूले निजी अस्पतालमा शुल्क तिरेर उपचार गराउनु पर्ने बाध्यता थियो । नयाँ व्यवस्थाले यस्तो समस्याको अन्त्य गर्ने र बिरामीहरूलाई गुणस्तरीय स्वास्थ्य सेवा प्रदान गर्ने लक्ष्य राखिएको मन्त्री राईले बताए ।

“प्रदेश मातहतका सबै सरकारी अस्पतालहरूको ओपीडी सेवा अब ५ बजेसम्म सञ्चालन हुनेछ । कोही पनि अस्पताल आएका बिरामी स्वास्थ्य उपचारबाट वञ्चित हुने छैनन्,” मन्त्री राईले भने । मन्त्री राईले कोशी प्रदेशका नागरिकहरूलाई सरकारी अस्पतालमा उपलब्ध सेवाहरूको उपयोग गर्न आग्रह गरेका छन् ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
नेपाललाई हिन्दु राष्ट्रबाट धर्मनिरपेक्ष राष्ट्र बनाउनुमा राजनीतिक दलहरूको भुमिका : अध्यक्ष लिङ्देन
२०८३ मंग्सिर ६, आइतबार
अमेरिकाबाट निष्कासित दुई महिलासहित २५ आप्रवासी लाइबेरिया पुगे
२०८३ मंग्सिर ६, आइतबार
प्रधानमन्त्री बालेन दिल्लीमा, राज्यमन्त्री जितिन प्रसादले गरे स्वागत
२०८३ मंग्सिर ६, आइतबार
प्रधानमन्त्री शाहको भ्रमणबाट नेपाल-भारत सम्बन्ध थप सुदृढ हुने रास्वपाको विश्वास
२०८३ मंग्सिर ६, आइतबार
प्रधानमन्त्री शाह दुईदिने राजकीय भ्रमणका लागि भारत प्रस्थान
२०८३ मंग्सिर ६, आइतबार
Prime Minister Shah Heads to India for Talks with Narendra Modi
२०८३ मंग्सिर ६, आइतबार
एसियन राइजिङ स्टार्स प्रतियोगिता : युएईले नेपाललाई दियो १२२ रनको लक्ष्य
२०८३ मंग्सिर ६, आइतबार