भोलिदेखि सवारी साधनमा जोर विजोर प्रणाली लागु हुने (विज्ञप्ती सहित)

काठमाण्डौंः काठमाण्डौं उपत्यकामा भोली बिहीबारदेखी सवारी साधनमा जोर बिजोर प्रणाली लागु हुने भएको छ । बुधबार अपरान्ह गृह मन्त्रालयले एक सुचना जारी गर्दै बिहीबारदेखी सवारी साधनमा जोर विजोर प्रणाली लागु गरिने जनाएको हो ।

राजधानी काठमाडौं उपत्यका लगायत देशका विभिन्न स्थानमा कोरोना संक्रमित बढ्दै गइरहेकोले बिहीबार देखी सो नियम लागु गरिएको जारी विज्ञप्तीमा जनाइएको छ ।

गृह मन्त्रालयद्धारा जारी सूचनामा भनिएको छ, ‘काठमाण्डौं उपत्यका प्रबेश गर्ने अत्यावश्यक ढुवानी बाहेकका अन्य सबै यात्रुबाहक सवारीसाधनहरुलाई बेलुका ७ बजेदेखि बिहान ७ बजेसम्म आवागमन निषेध गरिएको व्यवस्थालाई कडाईका साथ लागु गर्ने ।

काठमाडौं उपत्यका र कोभिड-१९ को २०० भन्दा बढी सक्रिय संक्रमण केश भएका जिल्लामा अत्यावश्यक सेवा बाहेकका सार्वजनिक तथा निजी सवारी साधनहरु भोलि मिति २०७७।०४।२२ गतेदेखि लागू हुनेगरी जोर विजोर नम्बरका आधारमा मात्रै सञ्चालन गर्ने व्यवस्था गर्ने । यस वर्गमा पर्ने जिल्लाका शहरी इलाकामा  जिल्ला भित्र समेत बेलुका ९ : ०० बजेदेखि बिहान ५ : ०० बजेसम्म आवागमन बन्द गर्ने ।’