दशैँको टीकाको उत्तम साइत बिहान ११ : ५३ बजे

काठमाडौं, ०४ असोज । दशैं नजिकिएसँगै नेपाल पञ्चाङ्ग निर्णायक विकास समितिले टीकाको साइत पनि सार्वजनिक गरिसकेको छ । समितिका अनुसार यही असोज १६ गते बिहान ११ : ५३ बजे टीकाको उत्तम साइत छ ।

विजया दशमीका दिन बिहान ९ः२३ बजे देवी विसर्जनको साइत छ । टीका लगाउँदा लगाइमाग्ने पूर्व दिशा फर्किनुपर्ने जनाइएको छ ।

घटस्थापनाको साइत भने बिहान ९ बजेर १३ मिनेटमा रहेको छ । असोज ७ गते मंगलबार बिहान ९ : ५३ बजे झण्डा फेर्ने साइत पर्छ भने असोज ११ गते शनिबार श्रीपचलीभैरव यात्रा हुनेछ ।

असोज १३ गते सोमबार फूलपाती, श्री तुलजाभवानी यात्रा बिहान ७ : १७ बजे र स्थिरासन बिहान ९ : २३ बजे तोकिएको छ ।