चीन र भारतका सैनिकबीच पूर्वी लद्दाखमा दोहोरो फायरिङ

काठमाण्डाैंः पूर्वी लद्दाखमा चीन र भारतका सैनिकबीच दोहोरो फायरिङ भएको छ । चिनियाँ सेनाले भारतले सुरुमा वास्तविक सीमा रेखा पार गर्दै धम्की स्वरूप फायरिङ गरेको आरोप लगाएको छ । दुवै देशका सैनिकले एकअर्कालाई सुरुमा फायरिङ गरेको आरोप लगाएका छन् ।

चीनको सरकारी मिडिया ग्लोबल टाइम्सले स्थिति नियन्त्रणमा लिन चिनियाँ सेना पनि जवाफमा फायरिङ गरेको जनाएको छ । भारतीय सञ्चारमाध्यमले सन् १९७५ पछि सीमामा भारत र चीनका सैनिकबीच यो पहिलोप टक फायरिङ भएको दावी गरेका छन् ।

केही दिनअघि पनि लद्दाखमा दुई देशका सैनिकबीच झडप भएको थियो । सो झडपमा भएको क्षतिको विवरण दुबै देशले सार्वजनिक गरेका छैनन् ।

जुन महिनामा भएको भिडन्तमा २० भारतीय सैनिकको ज्यान गएको थियो ।